1-ish

Xorazm viloyati musiqali drama teatri

“Sulton Jaloliddin” “Tanho yulduz” “Ogahiy” “Anvoyi tashvish”

Sulton Jaloliddin

Erkin Samandarovning “Sulton Jaloliddin” tarixiy dramasida buyuk sarkarda Jaloliddin Manguberdining ona yurti ximoyasi uchun janglarda beqiyos jasorat ila dushman qo‘shiniga qarshi kurashi aks ettirilgan.

Asar voqeasida 1220 yillarda Xorazm saltanatiga Chingizxonning ayovsiz bosqinchilik xarakatlari ifodalangan.

O‘zbek xalqining mard o‘g‘loni, buyuk sarkarda Jaloliddin Manguberdi obrazi orqali mardlik, vatanparvarlik, ona yurtga cheksiz muhabbat va sadoqat tuyg‘ulari ulug‘lanadi.

Ijodkorlar

Asar muallifi:
Erkin Samandarov

Sahnalashtiruvchi rejissyor:
Jur’atbek Sotiboldiyev

Sahnalashtiruvchi rassom:
O‘g‘iljon Alimova

Tanho yulduz

- “Mehr juda oz. Uni hammaga yetkazib bo‘lmaydi. Inson avvaliga ota-ona, og‘a-ini, yoru do‘st, keyinchalik farzandlarini topadi. Keyin navbatma-navbat hammasidan ayriladi. Ota-ona olamdan o‘tadi. Og‘a-ini, yoru do‘stlar begonaga aylanishadi. Farzandlar esa qanoti chiqqan qushlardek, o‘z baxtlari ortidan uchib ketishadi. Tanholik zulmatida qolgan inson azoblarda o‘rtanib, yonib-kuyib yulduzga aylanadi. Va, nihoyat bu tanho yulduz so‘nadi.”

Ijodkorlar

Asar muallifi:
Nurillo Abbosxon

Sahnalashtiruvchi rejissyor:
O‘z.R. xizmat ko‘rsatgan artist Valixon Umarov

Sahnalashtiruvchi rassom:
O‘g‘iljon Alimova

Ogahiy

Qurbon Muhammadrizoning “Ogahiy yohud taxt va baxt” tarixiy dramasida o‘zbek xalqining buyuk shoiri Muhammadrizo Ogahiyning hayoti va ijodi, shu davrdagi siyosiy, ijtimoiy, madaniy xayot o‘z aksini topgan.

Ushbu sahna asarida XIX asr o‘rtalari Sayid Muhammad Rahim Baxodirxon davridagi voqealar, saroydagi amaldor-larning mansab va taxt ilinjida Xonga va Ogahiyga nisbatan qora niyatlari fosh etiladi. Mansabparast Bosh vazir, Muhammadniyozbek va iqtidorsiz saroy shoiri Xumoriy kabi ikkiyuzlamachi, ichi qora, hasadgo‘y amaldorlar Ogahiyning ijodiga, muhabbatiga to‘sqinlik qiladilar.

Shoir insonlar xayotini, ilmu-ma’rifatni yorug‘likka olib chiquvchi mash’alaga qiyoslaydi.

Ijodkorlar

Asar muallifi:
Qurbon Muhammadrizo

Sahnalashtiruvchi rejissyor:
Azimboy Otajonov

Sahnalashtiruvchi rassom:
O‘g‘iljon Alimova

Anvoyi tashvish

Abdulla Qodiriyning “Toshpo‘lat tajang nima deydi” xajviy yumorlari asosida Maftuna Muhammadaminovaning inssenirovkasi “Anvoyi tashvish” kamer komediyasida XX – asrning boshlarida Chor Rossiyasi imperiyasining qulashi va bolsheviklar xarakatining boshlanish davridagi voqealar satirik tarzda ifoda etilgan.

Ushbu asarda shu davrdagi boy, qozi, ulamolar va eshon domlalarning savodsizligi, manfur - poraxo‘rligi, xotinbozligi, ikkiyuzlamachi, yolg‘onchiligi fosh qilinib, asar qahramoni Toshpo‘lat tajang tomonidan tanqid ostiga olinadi. Toshpo‘lat tajang xalqni savodxonligini oshirishga chaqiradi.

Ijodkorlar

Asar muallifi:
Abdulla Qodiriy yumorlari asosida Maftuna Muhammadaminova inssenirovkasi

Sahnalashtiruvchi rejissyor:
Azimboy Otajonov

Sahnalashtiruvchi rassom:
O‘g‘iljon Alimova

-->

© copyright w3schools.com

Allabergan

Hy4QueWT2